لاہور : محکمہ صحت پنجاب کی جانب سے شدید گرمی اور سن اسٹروک کے پیش نظراحتیاطی تدابیر جاری کردی گئی، ڈی جی ہیلتھ نے کہا درجہ حرارت 40 سے 45 ڈگری تک پہنچ رہا ہے ، احتیاط کریں۔
تفصیلات کے مطابق شدید گرمی اور سن اسٹروک کے پیش نظر محکمہ صحت پنجاب میں احتیاطی تدابیر جاری کردیں،سیکرٹری پرائمری ائنڈ سیکنڈری ہیلتھ کئیر کیپٹین(ریٹائرڈ) محمدعثمان نے کہا تمام اسپتالوں میں سن اسٹروک کے علاج کی ادویات کی فراہمی یقینی بنائی جائے۔
کیپٹین(ریٹائرڈ) محمدعثمان نے کہا بازاری کھانوں سے پرہیز کریں، بچوں کو دھوپ میں نہ کھیلے دیں جبکہ باسی کھانوں اور گلے سڑے پھل نہ استعمال کریں، زیادہ ٹھنڈا پانی اور برف کے گولے گلا خراب کر سکتے ہیں۔
ڈی جی ہیلتھ ڈاکٹر ہارون جہانگیر خان کے مطابق درجہ حرارت 40 سے 45 ڈگری تک پہنچ رہا ہے ، احتیاط کریں ، گہرے رنگ والے کپڑے پہننے سے پرہیز کریں ، شدید گرمی سے بزرگ لوگ زیادہ متاثر ہوتے ہیں۔
ڈاکٹر ہارون جہانگیر خان نے کہا انتہائی گرمی کے اوقات میں بلا ضروری گھر سے نہ نکلیں ، نمک کم سے کم استمعال کریں ، موسمی سبزی ، تازہ پھل اور ہلکے رنگ کے کپڑوں کا استمعال کریں۔
ڈی جی ہیلتھ کا کہنا تھا کہ گھر سے نکلتے وقت گیلا تولیہ ضرور ساتھ رکھیں اور سر پر کپڑے سے ڈھانپ لیں ، دھوپ سے بچاؤ کے لئے چشمے اور مشروبات زیادہ استعمال کریں۔ ڈی جی ہیلتھ
سونف اور الائچی کا قہوہ گرمی کا توڑ ہے ،گھر میں تیار کردہ املی اور آلو بخارے کا شربت مفید ہے،جتنی بار ممکن ہو دن میں غسل کریں۔
