تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

انتہائی قیمتی کار کا برف خانے میں کیا کام؟ انوکھا واقعہ

ٹوکیو : آپ نے کچھ لوگوں کی موت کے بعد ان کی لاش کو کسی برف خانے میں رکھتے ہوئے تو دیکھا ہوگا تاکہ ان کی لاش بوسیدہ ہونے سے محفوظ رہے لیکن ایک مشہور گاڑی ساز کمپنی نے اپنی نئی کار کو سرد خانے میں رکھ دیا۔ مقصد جان کر آپ بھی حیران رہ جائیں گے۔

ایک مشہور جاپانی کمپنی نے اپنی نئی اور مہنگی کار کو آزمائش کی غرض سے 12 گھنٹے کے لیے ایک بڑے برف خانے میں رکھوا دی جہاں کا درجہ حرارت منفی 18 ڈگری سینٹی گریڈ تھا۔

یہ جاپانی کمپنی "لیکسس” ہے جو مہنگی کاریں بنانے کے لیے دنیا بھر میں مشہور ہے،اس کمپنی کی کاریں یورپ اور امریکا میں فروخت ہوتی ہیں۔

اسی کمپنی نے اپنی نئی "ایل سی کنورٹیبل” کار کو شدید سرد موسم میں آزمانے کی غرض سے بارہ گھنٹوں کے لیے ایک بڑے سرد خانے میں بند کردیا جو بیڈ فورڈ شائر برطانیہ کے ملبروک پرووِنگ گراؤنڈ میں واقع ہے۔ پاکستانی روپے میں ایل سی کی قیمت تقریباً تین کروڑ بنتی ہے۔

اس چھت کی کار متحرک ہوتی ہے جسے ضرورت پڑنے پر کھولا اور بند کیا جاسکتا ہے۔ آزمائش کی غرض سے کار کی چھت کھول دی گئی تھی۔

بیڈ فورڈ شائر کے اس سرد خانے میں عام طور پر ڈبل ڈیکر بسوں جیسی بڑی گاڑیاں اور فوجی مشینیں آزمائش کی غرض سے رکھی جاتی ہیں جس کا خطیر معاوضہ بھی لیا جاتا ہے۔

آٹو موبائل انجینئروں کی ایک ٹیم نے اس دوران کار کے مختلف حصوں پر نظر رکھی تاکہ شدید سرد موسم میں اس پر پڑنے والے اثرات کا جائزہ لیا جاتا رہے لیکسس کمپنی کے مطابق یہ کار شدید سرد موسمیاتی آزمائش پر پوری اتری اور اس نے زبردست قوتِ برداشت کا مظاہرہ کیا۔

آزمائش مکمل ہونے تک اس کار کے اندرونی اور بیرونی حصوں پر برف جم گئی تھی لیکن پھر بھی یہ سخت جان ثابت ہوئی اور اس کی کارکردگی پر بھی کوئی فرق نہیں پڑا۔

Comments

- Advertisement -