کراچی : پاکستان پیپلزپارٹی کے شریک چیئرمین آصف زرداری نے کراچی کا سیاسی میدان فتح کرنےکی حکمت عملی کی تیاری کرلی۔
پاکستان پیپلزپارٹی کا کراچی کا سیاسی میدان فتح کرنے کے مشن پر پاکستان پیپلزپارٹی کے شریک چیئرمین آصف زرداری نے حکمت عملی کی تیاری کرلی۔
آصف زرداری کی کراچی کے ضلع وسطی کےمتوقع امیدواروں سے ملاقاتیں جاری ہے، معروف تاجر رہنما رضوان عرفان سمیت فیضان راوت ،وحیدپنجوانی کی ملاقات گزشتہ روز ہوئی۔
اس کے علاوہ معاز فیروز ،شہزاد مجید ودیگرکی بھی آصف رزداری سےملاقات گزشتہ روز ہوئی ، ملاقات میں آئندہ انتخابات کے حوالے سے تبادلہ خیال کیا گیا۔
ملاقات میں گفتگو کرتے ہوئے آصف زرداری نے کہا کہ کراچی کے مسائل اور انکا حل پیپلزپارٹی کی اولین ترجیح رہی ہے۔
آئندہ انتخابات میں پیپلزپارٹی نے کراچی کے کاروباری افراد کو پارٹی ٹکٹ دینے کی بھی حکمت عملی تیار کرلی۔