صدارتی انتخاب: الیکشن کمیشن نے سامان پنجاب اسمبلی پہنچا دیا -
The news is by your side.

Advertisement

صدارتی انتخاب: الیکشن کمیشن نے سامان پنجاب اسمبلی پہنچا دیا

لاہور: صدارتی انتخاب کے لیے پنجاب اسمبلی میں تیاریاں شروع ہوگئیں، الیکشن کمیشن نے انتخابی سامان پنجاب اسمبلی میں پہنچا دیا۔

تفصیلات کے مطابق صدارتی انتخاب میں پنجاب اسمبلی کے 355 ارکان حقِ رائے دہی استعمال کریں گے، الیکشن کمیشن کی جانب سے ضروری انتخابی سامان اسمبلی میں پہنچا دیا گیا۔

الیکشن کمیشن کے مطابق پنجاب میں 5 اعشاریہ 7 کے تناسب سے ایک ووٹ تصور ہوگا، خیال رہے کہ صدارتی انتخاب کے لیے چار امیدواروں کے کاغذاتِ نامزدگی منظور کیے جا چکے ہیں۔

توقع ہے کہ حکومتی اتحاد کو پنجاب اسمبلی میں 35 جب کہ مسلم لیگ (ن) کو 30 ووٹ ملیں گے، حکومتی اتحاد کی جانب سے کراچی سے تعلق رکھنے والے پی ٹی آئی رہنما عارف علوی کو نامزد کیا گیا ہے۔


یہ بھی پڑھیں:  کاغذات نامزدگی منظور، عارف علوی، اعتزاز احسن اور مولانا فضل الرحمٰن مدمقابل


واضح رہے کہ پاکستان تحریک انصاف کے صدارتی امیدوار عارف علوی، پیپلز پارٹی کے صدارتی امیدوار اعتزاز احسن اور بقیہ اپوزیشن کے مشترکہ امیدوار مولانا فضل الرحمٰن کے کاغذات نامزدگی منظور کرلیے گئے ہیں۔

خیال رہے کہ صدارتی امیدوار 4 ستمبر کو صدر کے انتخاب میں مد مقابل ہوں گے، 12 میں سے صرف 4 امیدواروں کے کاغذاتِ نامزدگی منظور کیے گئے، چوتھے صدارتی امیدوار امیر مقام ہیں جو بہ طور متبادل امیدوار کھڑے ہیں۔

Comments

comments

یہ بھی پڑھیں