اسلام آباد : جنرل راحیل شریف کو کیسے الوداع کیا جائے؟ وزیراعظم ہاؤس میں شایان شان انداز میں رخصت کرنے کے لئے تیاریاں شروع ہو گئیں ہیں۔
تفصیلات کے مطابق آرمی چیف کی مدتِ ملازمت مکمل ہونے کچھ دن ہی باقی رہ گئے ہیں، وزیراعظم ہاؤس میں سوچ بچار شروع ہوگئی کہ آرمی چیف کو کیسے الوداع کہیں، کس تاریخ کو تاریخ ساز تقریب رکھی جائے۔
جنرل راحیل شریف کو شایان شان انداز میں رخصت کرنے کیلئے وزیراعظم ہاؤس میں بڑوں نے سر جوڑ لئے، صلاح مشوروں سے الوداعیہ تقریب کے لئے انتظامات شروع کر دیے گئے ہیں۔
ذرائع کا کہنا ہے کہ تقریب میں پاکستانی سپہ سالار کو ان کی خدمات کا اعتراف کرتے ہوئے خراج تحسین پیش کیا جائے گا جبکہ پاکستان کے دفاع کو مضبوظ بنانے اور دہشتگردی کے خلاف اٹھائے گئے اقدامات پر جنرل راحیل شریف کا شکریہ ادا کیا جائے گا۔
مزید پڑھیں : آرمی چیف کی مدت ملازمت میں توسیع، پیپلزپارٹی نے پنجاب اسمبلی میں قرارداد جمع کرادی
واضح رہے کہ ستائیس نومبر دوہزار تیرہ کو سپہ سالار بننے والے راحیل شریف کی مدت ملازمت اٹھائیس نومبردو ہزار سولہ کو مکمل ہورہی ہے۔
