site
stats
پاکستان

پاک فوج کی کمانڈ کی تبدیلی کی تقریب کے لئے تیاریاں شروع

راولپنڈی : پاک فوج کی کمانڈ کی تبدیلی کی تقریب کے لئے تیاریاں شروع کردی گئی ہیں، جنرل راحیل شریف نئے آرمی چیف کو کمانڈ کی چھڑی سونپیں گے۔

تفصیلات کے مطابق پاک فوج کی کمانڈ کی تبدیلی کی تقریب کے لئے تیاریاں شروع کردی گئی ہے، تقریب انتیس نومبر کی صبح جی ایچ کیو کے ہاکی اسٹیڈیم میں ہوگی، جنرل راحیل شریف نئے آرمی چیف کو کمانڈکی چھڑی سونپیں گے۔

تقریب میں مسلح افواج کے سربراہان ، عسکری قیادت اوردیگراعلیٰ حکام شریک ہونگے۔

دوسری جانب وزیراعظم نوازشریف نے وفاقی کابینہ کا اجلاس کل طلب کرلیا ہے، اجلاس میں نئے آرمی چیف سے متعلق مشاورت کی جائے گی اور آرمی چیف کو دیئے جانے والے الوداعیہ سے متعلق امور پر بھی بات ہوگی۔

ذرائع کا کہنا ہے کہ اجلاس میں ملک میں امن وامان کی صورتحال اور دیگرامو بھی زیرِغور آئیں گے۔


مزید پڑھیں : آرمی چیف جنرل راحیل شریف نے الوداعی ملاقاتوں کا سلسلہ شروع کردیا


یاد رہے کہ آرمی چیف جنرل راحیل شریف نے الوداعی ملاقاتوں کا سلسلہ شروع کردیا، انھوں نے الوداعی ملاقات کا آغاز لاہور سے کیا ، آرمی چیف نے پاک فوج اور رینجرز کے جوانوں کے بڑے اجتماع سے خطاب کیا۔


مزید پڑھیں : جنرل راحیل شریف کو کیسے الوداع کیا جائے؟ تیاریاں شروع


خیال رہے کہ جنرل راحیل شریف کو کیسے الوداع کیا جائے؟ وزیراعظم ہاؤس میں شایان شان انداز میں رخصت کرنے کے لئے تیاریاں شروع ہو گئیں ہیں۔

ذرائع کا کہنا ہے کہ تقریب میں پاکستانی سپہ سالار کو ان کی خدمات کا اعتراف کرتے ہوئے خراج تحسین پیش کیا جائے گا جبکہ پاکستان کے دفاع کو مضبوظ بنانے اور دہشتگردی کے خلاف اٹھائے گئے اقدامات پر جنرل راحیل شریف کا شکریہ ادا کیا جائے گا

واضح رہے کہ 27 نومبر 2013 کو سپہ سالار بننے والے راحیل شریف کی مدت ملازمت 28 نومبر2016 کو مکمل ہورہی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top