اسلام آباد:صدر مملکت عارف علوی 13 ستمبر کو پارلیمنٹ کے مشترکہ اجلاس سے خطاب کریں گے ، پارلیمانی سال کا آغاز صدر مملکت کے خطاب سے ہو گا۔
تفصیلات کے مطابق پارلیمنٹ کا مشترکہ اجلاس 13 ستمبر کو بلانے کا فیصلہ کرلیا گیا ، اس سلسلے میں اسپیکر قومی اسمبلی اسد قیصر سے مشیر برائے پارلیمانی امور بابر اعوان کی ملاقات ہوئی ، ملاقات میں صدر کے خطاب، قانون سازی ،نئے پارلیمانی سال کے کلینڈر پر گفتگو کی گئی۔
ڈاکٹر بابر اعوان نے بتایا کہ 13ستمبرکوپارلیمنٹ کامشترکہ اجلاس بلایا جائے گا ، مشترکہ اجلاس سےصدرمملکت علوی خطاب کریں گے، پارلیمانی سال کا آغاز صدر مملکت کے خطاب سے ہو گا۔
اسپیکر اسدقیصر نے کہا موثرقانون سازی سےدرپیش چیلنجزپرقابو ،درپیش مسائل کوحل کیاجا سکتا ہے،چوتھےپارلیمانی سال میں زیر التواقوانین کی منظوری دی جائےگی اور عوامی فلاح وبہبودسےمتعلق قوانین ترجیحی بنیادپرمنظوری کیلئےپیش کئے جائیں۔
اسد قیصر کا کہنا تھا کہ تیسرےپارلیمانی سال میں عوامی فلاح و بہبود کےمتعدد بلز منظور کئےگئے ، بجٹ اور عوامی اہمیت کے حامل امور پر سیر حاصل بحث کی گئی، قومی اسمبلی کی تین سالہ کارکردگی قابل ستائش ہے ، کریڈٹ حکومت اور اپوزیشن کے اراکین کوجاتا ہے۔
بابر اعوان نے کہا نئے پارلیمانی سال کا کیلنڈر تیار کر لیا گیا ہے ، کیلنڈرہاؤس بزنس ایڈوائزری کمیٹی میں منظوری کیلئے پیش کیا جائے گا۔
