اسلام آباد : صدر پاکستان ڈاکٹر عارف علوی نے ترکی کے وزیرخارجہ کو ہلال پاکستان کے اعزاز سے نوازا دیا، ترک وزیرخارجہ نے کہا کہ ترکی پاکستان کیساتھ تجارتی تعلقات کو بہتر بنانے کاخواہاں ہے۔
تفصیلات کے مطابق ایوان صدر میں ایک خصوصی تقریب کا انعقاد کیا گیا ، جس میں صدر پاکستان ڈاکٹر عارف علوی نے ترکی کے وزیر خارجہ کو ہلالِ پاکستان ایوارڈ سے نوازا۔
تقریب میں وزیر خارجہ شاہ محمود قریشی اور وزیر اطلاعات و نشریات شبلی فراز سمیت دیگر وزرا نے شرکت کی۔
President Dr. Arif Alvi @ArifAlvi conferring Hilal-e-Pakistan on Foreign Minister of Turkey, Mr. Mevlut Cavusoglu @MevlutCavusoglu, at a special investiture ceremony held, at Aiwan-e-Sadr. pic.twitter.com/8MOljz8Mnm
— The President of Pakistan (@PresOfPakistan) January 13, 2021
بعد ازاں صدرمملکت عارف علوی سے ترکی کے وزیرخارجہ کی ملاقات ہوئی ، جس میں تجارت وثقافت کے شعبوں میں دو طرفہ تعاون کو مزید فروغ دینے پر اتفاق کیا گیا۔
صدر عارف علوی نے کہا کاروبارمیں آسانی کی عالمی درجہ بندی میں پاکستان کی پوزیشن میں بہتری آئی ، پاکستان کے کاروبار دوست ماحول سے ترک سرمایہ کاروں کو فائدہ اٹھانے کی ضرورت ہے۔
عارف علوی نے مسئلہ کشمیر پر حمایت پر ترک قیادت کا شکریہ اور ترک صدر کے کشمیریوں کے حق میں آواز بلند کرنے پر شکریہ ادا کرتے ہوئے کورونا سے نمٹنے میں ترکی کےعالمی کردارکی بھی تعریف کی۔
ترک وزیرخارجہ نے کہا کہ ترکی پاکستان کیساتھ تجارتی تعلقات کو بہتر بنانے کا خواہاں ہے، پاکستان میں سرمایہ کاری کیلئے حوصلہ افزائی کریں گے، ترقی بین الاقوامی فورمز پر پاکستان کی حمایت جاری رکھے گا۔
ترک وزیرخارجہ نے مزید کہا آذربائیجان کی حمایت پرترکی پاکستان کےتعاون کوسراہتے ہوئے اسلاموفوبیا،نفرت انگیز تقاریرسےنمٹنےکیلئےملکرکام کرنےکی ضرورت پرزور دیا۔
