اسلام آباد :صدر آصف زرداری ، وزیرداخلہ محسن نقوی سمیت دیگر سیاسی رہنماؤں نے موسیٰ خیل میں 23 مسافروں کے بہیمانہ قتل کی شدید مذمت کردی۔
تفصیلات کے مطابق بلوچستان میں موسیٰ خیل کے علاقے راڑہ شم میں تیئس مسافروں کو گاڑیوں سے اتار کر فائرنگ کرکے قتل کردیا گیا۔
صدر آصف زرداری نے موسیٰ خیل میں مسافروں کے بہیمانہ قتل کی شدید مذمت کرتے ہوئے دہشت گرد حملےمیں قیمتی انسانی جانوں کے ضیاع پر گہرے رنج و غم کااظہار کیا۔
آصف زرداری نے کیا کہ بے گناہ انسانوں کاظالمانہ قتل پوری انسانیت کاقتل ہے، دہشت گردملک وقوم اور انسانیت کے دشمن ہیں، معصوم شہریوں کےقتل میں ملوث دہشتگردوں کوکیفرکردارتک پہنچاناہوگا۔
وزیرداخلہ محسن نقوی نے بلوچستان میں دہشت گردی کی مذمت کرتے ہوئے تیئس افراد کے قتل کو قابل افسوس قرار دیا۔
وزیرداخلہ نے کہا دہشت گردوں نے معصوم لوگوں کو نشانہ بنا کرسفاکیت کی انتہا کی، دہشت گرد اورسہولت کار عبرتناک انجام سےبچ نہیں پائیں گے۔
ان کا کہنا تھا کہ دہشت گردی کے خلاف جنگ میں سیکیورٹی فورسزکےساتھ زندگی کے ہرطبقے نے قربانیاں دیں۔۔حکومت جاں بحق افراد کے لواحقین سے دلی ہمدردی کااظہارکرتی ہے اور سوگوارخاندانوں کےغم میں برابرکی شریک ہے۔
وزیر اطلاعات عطاتارڑ نے دہشت گردوں کی بربریت کی مذمت کرتے ہوئے 23 افراد کے جاں بحق ہونے کے واقعے پر گہرے دکھ اور افسوس کااظہار کیا۔
عطاتارڑ نے کہا کہ دہشت گردوں نےمعصوم مسافروں کو نشانہ بناکر بربریت کا مظاہرہ کیا، ملوث دہشت گرد اور سہولت کارعبرتناک انجام سے بچ نہیں پائیں گے۔
وزیراعلیٰ پنجاب مریم نواز نے بھی 23 بےگناہ افرادکےقتل کی شدیدمذمت کرتے ہوئے سوگوار خاندانوں سے دلی ہمدردی واظہار تعزت کیا۔
گورنرپنجاب سلیم حیدرکی دہشت گردی کےواقعےکی مذمت کرتے ہوئے 23مسافروں کےجاں بحق ہونے پر گہرے دکھ کا اظہار کیا اور کہا معصوم لوگوں کونشانہ بنانا سفاکیت کی انتہا ہے۔
وزیر اعلیٰ بلوچستان نے دہشت گردی کی شدیدالفاظ میں مذمت کرتے ہوئے 23 افراد کے جاں بحق ہونے کےواقعےپردکھ اور افسوس کااظہار کیا۔
سرفرازبگٹی نے کہا کہ دہشت گردوں نے معصوم لوگوں کو نشانہ بنایا، دہشت گرد اور سہولت کارعبرتناک انجام سےبچ نہیں پائیں گے، بلوچستان حکومت دہشت گردوں اور انکے سہولت کاروں کا پیچھا کرے گی۔
وزیراعلیٰ کےپی علی امین گنڈاپور نے موسیٰ خیل واقعےکی مذمت اور مسافروں کے جاں بحق ہونےپرافسوس کااظہارکیا اور کہا ہم سوگوارخاندانوں کےغم میں برابر کے شریک ہیں
وزیراعلیٰ سندھ مرادعلی شاہ نے بھی بےگناہ افرادکے قتل کی مذمت کرتے ہوئے کہا کہ بےگناہ افراد کو گاڑیوں سے اتار کر قتل کرنابزدلانہ عمل ہے، بےگناہ افراد کے قتل کا کوئی جواز نہیں دیا جا سکتا۔
