صدر مملکت آصف علی زرداری اور وزیراعظم شہباز شریف نے حب حادثے میں قیمتی جانوں کے ضیاع پر افسوس کا اظہار کیا ہے۔
صدر مملکت آصف زرداری نے حب حاثے پر افسوس کا اظہار کرتے ہوئے جاں بحق افراد کے لواحقین سے تعزیت اور زخمیوں کی جلد صحتیابی کے لیے دعا کی ہے۔
صدر زرداری نے اپنے بیان میں کہا کہ دکھ کی اس گھڑی میں ہماری ہمدردیاں زائرین کے لواحقین کے ساتھ ہیں۔
وزیراعظم شہباز شریف نے بھی حب حادثے میں قیمتی جانوں کے ضیاع پر افسوس کا اظہار کرتے ہوئے جاں بحق افراد کے اہلخانہ سے تعزیت اور ان کے بلند درجات کے لیے دعا کی ہے۔
وزیراعظم نے حادثے میں زخمیوں کی جلد صحتیابی کے لیے بھی دعا کی اور متعلقہ حکام کو انہیں ہر ممکن طبی امداد فراہم کرنے کی ہدایت کی۔
واضح رہے کہ عید کے روز مکلی سے زائرین سے بھرا ٹرک درگاہ شاہ نورانی کی زیارت کے لیے روانہ ہوا تھا کہ حادثے کے نتیجے میں کھائی میں جا گرا۔
درگاہ شاہ نورانی حادثے میں جاں بحق زائرین کی تعداد 18 ہو گئی
اس حادثے میں 18 زائرین جاں بحق جب کہ 52 زخمی ہوئے جن میں سے کئی کی حالت تشویشناک بتائی جاتی ہے۔
