The news is by your side.

Advertisement

عام انتخابات کی تاریخ مقرر کی جائے ، صدر مملکت کا الیکشن کمیشن کو خط

اسلام آباد : صدر مملکت عارف علوی نے الیکشن کمیشن کو قومی اسمبلی تحلیل کے90دن میں عام انتخابات کی تاریخ مقرر کرنے کیلئے خط لکھ دیا۔

تفصیلات کے مطابق ایوانِ صدر کی جانب سے الیکشن کمیشن کوعام انتخابات کے انعقاد سے متعلق خط لکھا گیا ، جس میں الیکشن کمیشن کوقومی اسمبلی تحلیل کے90دن میں الیکشن کی تاریخ کا کہا گیا ہے۔

خط میں کہا ہے کہ آرٹیکل 48 فائیواے،224ٹو کے تحت صدر الیکشن کی تاریخ مقرر کریں گے ، اسمبلی کی تحلیل کے 90 دن کے اندر اندر انتخابات کرانا ہوتے ہیں۔

خط کے مطابق تاریخ کے اعلان کے لیےایکٹ 2017 کے تحت الیکشن کمیشن سے مشاورت ضروری ہے۔

یاد رہے 3 روز قبل تحریک عدم اعتماد کے بعد قوم سے خطاب کرتے ہوئے عمران خان نے کہا تھا کہ میں تحریک عدم اعتماد مسترد ہونے پر قوم کو مبارک باد دیتا ہوں، میرے خلاف تحریک عدم اعتماد غیر ملکی ایجنڈا تھا، لوگوں کو پیغام دینا چاہتا ہوں گھبرانا نہیں۔

وزیر اعظم کا کہنا تھا کہ میں نے صدر عارف علوی کو اسمبلیاں تحلیل کرنے کی تجویز دے دی، قوم کو کہتا ہوں الیکشن کی تیاری کریں، اب آپ کا مستقبل کیا ہوگا یہ عوام نے فیصلہ کرنا ہے۔

بعد ازاں صدر مملکت ڈاکٹر عارف علوی نے وزیراعظم کی تجویز پر قومی اسمبلی تحلیل کردی تھی۔

Comments

یہ بھی پڑھیں