The news is by your side.

Advertisement

پنڈورا پیپرز میں 700 پاکستانیوں کے نام ، صدرمملکت نے بڑا مطالبہ کردیا

اسلام آباد : صدرمملکت ڈاکٹرعارف علوی نے مطالبہ کیا ہے کہ پنڈواپیپرز میں آنے والے 700پاکستانی شخصیات کی غیرقانونیت اور پیسے کے ذرائع کی تحقیقات ہونی چاہیے۔

تفصیلات کے مطابق صدرمملکت ڈاکٹرعارف علوی نے سماجی رابطے کی ویب سائٹ ٹوئٹر پر اپنے بیان میں کہا کہ پاناما ،پیراڈائز،اب پنڈواپیپرز نے ہزاروں آف شورکمپنیوں کی تصدیق کی، یہ آف شورکمپنیاں لوٹی دولت کی منی لانڈرنگ کیلئے استعمال ہوئیں، 700پاکستانی شخصیات کی غیرقانونیت، پیسے کے ذرائع کی تحقیقات ہونی چاہیے ، لوٹی ہوئی رقم واپس لائی جائے لیکن ان ٹیکس پناہ گاہوں کا کیا کریں

عارف علوی کا کہنا تھا کہ پاکستان اپنی دولت باہر جانے سے روکنے کیلئے نظام بہتر کر رہا ہے، فیٹف نے اس سلسلے میں پاکستان کی مدد کی ہے، ہماری دولت وصول کرنیوالےممالک نےغریبوں کے استحصال سےخودکوامیر کیا، سکندر اورقزاق کےمکالمے میں،علامہ اقبال کے نزدیک، لٹیرے ایک جیسے ہیں۔

Comments

یہ بھی پڑھیں