The news is by your side.

Advertisement

پاکستان محفوظ ہاتھوں میں ہے، مقبوضہ کشمیر کو بھی آزاد کرائیں گے، صدر آزاد کشمیر

بھمبر: صدر آزاد کشمیر مسعود خان نے کہا ہے کہ پاک فوج کے جوانوں کی کارکردگی سے بے حد متاثر ہوں، تاریخ گواہ ہے کہ پاک فوج نے دشمن کو کبھی میلی آنکھ سے نہیں دیکھنے دیا، پاکستان محفوظ ہاتھوں میں ہے، مقبوضہ کشمیر کو بھی آزاد کرائیں گے۔

تفصیلات کے مطابق صدر آزاد کشمیر سردار مسعود خان نے مجاہد فورس سینٹر کا دورہ کیا، صدر آزاد کشمیر نے پاسنگ آؤٹ پریڈ کا معائنہ کیا اور یادگار شہدا پر حاضری دی۔۔

صدر آزاد کشمیر نے کہا کہ پیشہ وارانہ ذمہ داریاں، ملکی دفاع کے لیے پاک فوج کا کردار قابل تحسین ہے، قدرتی آفات میں بھی پاک فوج عوام کے شانہ بشانہ رہی، آج پاس ہونے والے جوان مادر ملت پر قربان ہونے کو تیار ہیں۔

مسعود خان نے کہا کہ دشمن کی سیز فائر کی خلاف ورزیوں پر پاک فوج نے ہمیشہ بھرپور جواب دیا، جنگ مسلط کرنے کی کوشش پر پاک فوج نے دشمن کے جہاز مار گرائے۔

مزید پڑھیں: پاکستان اور آزاد کشمیر کا دفاع پاک فوج کے مضبوط ہاتھوں میں ہے، مسعود خان

انہوں نے کہا کہ پاکستان محفوظ ہاتھوں میں ہے، مقبوضہ کشمیر کو بھی آزاد کرائیں گے، عہد کرتے ہیں کہ اندرونی، بیرونی خطرات کا مقابلہ کریں گے۔

واضح رہے کہ دو ماہ قبل صدر آزاد کشمیر کا کہنا تھا کہ پاکستان اور آزاد کشمیر کا دفاع پاک فوج کے مضبوط ہاتھوں میں ہے، آزاد کشمیر کے عوام افواج پاکستان کے ساتھ ہیں۔

ان کا کہنا تھا کہ بچہ بچہ دفاع وطن کیلئے کٹ مرنے کو تیار ہے، افواج پاکستان چپے چپےکی حفاظت کرنے کی بھرپور صلاحیت رکھتی ہیں، نیلم سے کیل تک آزاد کشمیر کے شہری پاک فوج کے ہمراہ بھارتی فوج سے لڑنے کو تیار ہیں۔

Comments

comments

یہ بھی پڑھیں