صدر مملکت ڈاکٹر عارف علوی کورونا وائرس کا شکار ہوگئے۔
ٹوئٹر پر بیان جاری کرتے ہوئے ڈاکٹر عارف علوی نے بتایا کہ کورونا وائرس کا ٹیسٹ مثبت آیا ہے، اللہ تمام کورونامتاثرین پر رحم کرے۔
وازا مرضت فھوا یشفین
اور جب میں بیمار ہوتا ہوں تو وہی شفا دیتا ہے
I have tested positive for Covid-19. May Allah have mercy on all Covid affectees. Had 1st dose of vaccine، but antibodies start developing after 2nd dose that was due in a week. Please continue to be careful.
— Dr. Arif Alvi (@ArifAlvi) March 29, 2021
صدر عارف علوی نے لکھا کہ کوروناویکسین کی ایک ڈوزلےچکاہوں اور ویکسین کی دوسری ڈوز چندہفتوں میں لگےگی۔
انہوں نے دعا بھی لکھی کہ اور جب میں بیمار ہوتا ہوں تو وہی شفا دیتا ہے۔
واضح رہے کہ وزیراعظم عمران خان کا بھی چند روز قبل کورونا ٹیسٹ مثبت آیا تھا۔ معاون خصوصی ڈاکٹر فیصل سلطان نے کہا کہ وزیراعظم عمران خان کورونا سے صحت یاب ہونے لگے اور ڈاکٹرز نے چنددنوں میں سرکاری مصروفیات شروع کرنےکی اجازت دے دی ہے۔
ڈاکٹرفیصل سلطان نے بتایا کہ ڈاکٹرز نے وزیراعظم کو یہ مشورہ قومی وبین الاقوامی گائیڈلائنز کو مد نظر رکھ کر دیا ہے۔
سینیٹر فیصل جاوید نے بھی ٹوئٹ کرتے ہوئے لکھا کہ الحمدللہ وزیراعظم عمران خان تندرست و تواناہیں ، اللہ تعالی سب کو صحت عطا فرمائے ،اپنا اور دوسروں کا خیال رکھیں۔
