واشنگٹن : امریکی صدر جو بائیڈن کا اسرائیل اور حماس کے درمیان قیدیوں کے تبادلے کے معاہدے کا خیر مقدم کرتے ہوئے کہا کہ ضروری ہے کہ اس معاہدے کے تمام پہلوؤں پر پوری طرح عمل کیا جائے۔
تفصیلات کے مطابق غزہ میں جنگ میں وقفے کے اعلان پر امریکی صدر جوبائیڈن کا ردعمل آگیا ، صدر بائیڈن نے اسرائیل اور حماس کےدرمیان قیدیوں کے تبادلے کے معاہدے کا خیر مقدم
کیا۔
امریکی صدر کا کہنا ہے کہ ڈیل کرانے میں قطر کے امیراور مصر کے صدر نے اہم کردار ادا کیا، ضروری ہے کہ اس معاہدے کے تمام پہلوؤں پر پوری طرح عمل کیا جائے۔
یاد رہے قطراورمصرکی ثالثی میں حماس اوراسرائیل کے درمیان معاہدہ ہوگیا ہے، قطری وزارتِ خارجہ کا کہنا ہے پہلے مرحلے میں اسرائیل ایک سو پچاس اور حماس پچاس قیدی رہا کرے گا اور جنگ میں وقفہ چار روز کیلئے ہوگا، جس کا اعلان چوبیس گھنٹے میں کیا جائے گا۔
معاہدے کے مطابق غزہ میں مزید امداد بھیجی جاسکے گی، جس میں ایندھن سمیت طبی اور غذائی سامان متاثرین تک پہنچایاجائےگا۔
سینتالیس روز سےجاری اسرائیلی جارحیت میں چودہ ہزارسےزائد فلسطینی شہید ہوچکے ہیں جبکہ حماس کےحملوں میں تین سوسےزائد اسرائیلی فوجیوں سمیت بارہ سوسے اسرائیلی ہلاک ہوئے۔
قابض اسرائیلی فوج نے آج صبح خان یونس کی عمارت پر گولہ باری کی جس میں بیس سے زیادہ فلسطینی شہید ہوگئے۔
