یوم عاشور شہدائے کربلا کی عظیم قربانیوں کی یاد دلاتا ہے: صدر پاکستان -
The news is by your side.

Advertisement

یوم عاشور شہدائے کربلا کی عظیم قربانیوں کی یاد دلاتا ہے: صدر پاکستان

اسلام آباد: صدر مملکت ڈاکٹر عارف علوی کا کہنا ہے کہ یوم عاشور ہمیں شہدائے کربلا کی عظیم قربانیوں کی یاد دلاتا ہے۔ آج کے دن ہمیں اسوہ حسینی کو یاد رکھنا ہے۔

تفصیلات کے مطابق صدر مملکت ڈاکٹر عارف علوی نے یوم عاشور کے موقع پر قوم کے نام پیغام میں کہا کہ یوم عاشور ہمیں شہدائے کربلا کی عظیم قربانیوں کی یاد دلاتا ہے۔

انہوں نے کہا کہ اعلیٰ مقاصد، استقامت اور حق کے لیے کسی قربانی سے دریغ نہیں کرنا چاہیئے۔ واقعہ کربلا ایثار و قربانی کا درس دیتا ہے۔

صدر مملکت نے مزید کہا کہ حق و باطل کی لڑائی اس دور میں بھی جاری ہے، ایثار و قربانی کے جذبے کو فروغ دینے کی ضرورت پہلے سے کہیں زیادہ ہے۔

یاد رہے کہ آج دنیا بھر میں نواسہ رسول ﷺ حضرت امام حسینؓ اور ان کے اہل و عیال کی المناک شہادت کی یاد منائی جارہی ہے۔ ملک بھر میں مجالس و ماتمی محافل برپا کی جارہی ہیں جن کے لیے سخت سیکیورٹی انتظامات کیے گئے ہیں۔

Comments

comments

یہ بھی پڑھیں