فلاڈیلفیا : امریکی صدربراک اوباما نے عوام سے اپیل کی ہے وہ ہیلری کلنٹن کو منتخب کریں یہ کسی خاتون کو صدر منتخب کرنے کا پہلا موقع ہے، ڈونلڈ ٹرمپ کمانڈران چیف بننے کے اہل نہیں۔
امریکی صدر براک اوباما بھی ہلیری کلنٹن کی انتخابی مہم میں سرگرم ہیں ، نیو ہیمپشائر اور فلاڈیلفیا میں انتخابی ریلیوں سے خطاب میں باراک اوباما نے کہا خاتون کو صدر منتخب کرنے کا پہلا موقع ہے، عوام ڈونلڈ ٹرمپ کو مسترد کردیں۔
صدر اوباما کا کہنا تھا کہ صنعتوں کو اپنے پاؤں پر کھڑا کیا ہے، الیکشن ہارے تو محنت ضائع ہوجائے گی۔
ٹرمپ پر تنقید کرتے ہوئے امریکی صدر نے کہا کہ ڈونلڈ ٹرمپ کمانڈر ان چیف بننے کے اہل نہیں، ڈونلڈ ٹرمپ وہ شخص نہیں جو آپ کیلئے کام کرے گا۔
امریکی صدر کا کہنا تھا کہ آپ نے انتخاب کرنا ہے ترقی کی سفر کو جاری رکھیں یا ضائع کردیں، ٹرمپ کے قریبی ساتھی بھی ان کے ٹوئٹ پر یقین نہیں رکھتے، ہم نیوکلیئر کوڈز سے متعلق ٹرمپ پر یقین نہیں کرسکتے۔
مزید پڑھیں : تمام امریکی شہریوں کی صدر بننا چاہتی ہوں، ہیلری
ہیلری نے خطاب میں کہا کہ ٹرمپ کے پاس تجربہ نہیں کہ صدر یا کمانڈر انچیف بنیں، انہوں نے امریکی شہریوں سے اپیل کی کہ وہ ووٹ دینے کیلئے گھروں سے نکلیں ،کیوں کہ وہ تمام امریکی شہریوں کی صدر بننا چاہتی ہیں۔
خیال رہے کہ اس سے قبل بھی امریکی ریاست شمالی کیرولینا میں صدراوباما نے ووٹرزکوقائل کرنے کی کوشش کے دوران کہا کہ تھا کہ ہلیری کلنٹن نے مجھے بہتر صدر بننے میں مدد کی، وہ بہترین پبلک سرونٹ ہیں، انہیں ہمیں درپیش چیلنجز کا علم ہیں۔
مزید پڑھیں : ہلیری نے مجھے اچھا صدر بننے میں مدد کی،براک اوباما
انھوں نے خطاب کے دوران حامیوں کو خبردار کیا کہ ٹرمپ صدر منتخب ہونے کی صورت میں خطرناک ثابت ہوسکتے ہیں۔
