اسلام آباد : بین الپارلیما نی یونین کی صدر گیبریلاکیو یس بیرن کی پارلیمنٹ ہاؤس آمد پرچیئرمین سینیٹ نے استقبال کیا، آئی پی یو کی صدر نے شکریہ ادا کرتے ہوئے کہا روابط کے فروغ کیلئے مل کر کام کریں گے۔
تفصیلات کے مطابق بین الپارلیما نی یونین کی صدر گیبریلاکیو یس بیرن پارلیمنٹ ہاؤس پہنچی تو چیئرمین سینیٹ محمد صادق سنجرانی نے آئی پی یو کی صدر کا استقبال کیا۔
اس موقع پر چیئرمین سینیٹ محمدصادق سنجرانی نے کہا کہ بین الپارلیمانی یونین اہم تنظیم ہے، پاکستان امن وترقی کےحل کیلئےڈائیلاگ کواہم سمجھتا ہے۔
صادق سنجرانی کا کہنا تھا کہ بین الپارلیمانی یونین ارکان کو ڈائیلاگ کاراستہ فراہم کرتا ہے اور پاکستان خطےاور علاقائی امن کیلئے کوشاں ہے، کورونانےپارلیمانی سفارتکاری کی راہ میں بھی رکاوٹیں کھڑی کیں۔
چیئرمین سینیٹ نے کہا کہ موجودہ حالات میں جدید ٹیکنالوجی سے معاونت کو آگے بڑھانا ہوگا، بین الپارلیمانی یونین کی 130 سالہ تاریخ جدوجہد کی تاریخ ہے۔
صادق سنجرانی نے بین الپارلیمانی یونین کی صدر کو آئی پی یو کے 130 سال مکمل ہونے پر مبارکباد دی۔
آئی پی یو کی صدر گیبریلاکیو یس بیرن نے چیئر مین سینیٹ کا شکریہ ادا کرتے ہوئے کہا روابط کےفروغ کیلئے مل کر کام کریں گے، پاکستان بین الپارلیمانی یونین کا مؤثر رکن ہے۔
