The news is by your side.

‘کل کا سورج اے آر وائی نیوز کے ورکرز کیلئے خوشی کی نوید لیکر طلوع ہوگا’

اسلام آباد : صدرپی ایف یوجے افضل بٹ کا کہنا ہے کہ کل کاسورج اےآروائی نیوزکےورکرزکیلئےخوشی کی نوید لیکر طلوع ہوگا۔

تفصیلات کے مطابق صدرپی ایف یوجےافضل بٹ نے اے آر وائی نیوز کی بحالی کے عدالتی حکم پر خصوصی گفتگو میں اےآروائی نیوز کے ورکرز کو مبارکباد پیش کی۔

افضل بٹ کا کہنا تھا کہ عدالت نے پیمرا کوہدایت دی کل اےآروائی نیوزکی نشریات بحالی پر رپورٹ پیش کریں، پیمرا کو سمجھنا چاہیے اورعمل کرناچاہیے ،عدالتی فیصلے پر عملدرآمد ہوناچاہیے۔

صدرپی ایف یوجے نے کہا کہ پیمرا سےمنسلک ادارے اسے اپنی انا کا مسئلہ نہ بنائیں ، عدالت کہتی ہے کیبل آپریٹرز فوری نشریات بحال کرےتو صوبائی سطح پر معاملہ چلا جاتا ہے۔

ان کا کہنا تھا کہ کل کا سورج اے آر وائی نیوز کے ورکرز کیلئے خوشی کی نوید لیکر طلوع ہوگا، چیف جسٹس ہائی کورٹ نے 4 ہزار ورکرز کا روزگار بچانے کیلئے بڑا فیصلہ دیا ہے۔

افضل بٹ نے مزید کہا کہ صحافت سے وابستہ تمام لوگ اےآروائی نیوز کی بحالی کا مطالبہ کررہےہیں ، امید ہے ہائی کورٹ کے حکم پر آج اے آر وائی نیوز کی نشریات بحال ہوں گی۔

Comments

یہ بھی پڑھیں