منگل, مئی 21, 2024
اشتہار

اے آر وائی نیوز کا لائسنس معطل : پیمرا نے نالائقی کی انتہا کردی، پی ایف یو جے

اشتہار

حیرت انگیز

اسلام آباد : پیمرا کی جانب سے اے آر وائی نیوز کا لائسنس معطل کرنے پر پی ایف یو جے کے صدر افضل بٹ نے پیمرا کے اس قدام کی شدید مذمت کرتے ہوئے کہا ہے کہ پیمرا نے آج نالائقی کی انتہا کردی۔

اے آر وائی نیوز سے گفتگو کرتے ہوئے افضل بٹ نے کہا کہ پاکستان الیکٹرانک میڈیا ریگولیٹری اتھارٹی (پیمرا) اپنے ہی بنائے قوانین کی خلاف ورزی کررہا ہے، قانون میں کوئی ایسی شق موجود ہی نہیں کہ نوٹس جاری کیے بغیر ہی سزا دے دی جائے۔

صدر پی ایف یو جے کا کہنا تھا کہ پیمرا نے آج نالائقی کی انتہا کردی ہے، پیمرا اپنی غلطی کی فوری اصلاح کرے ورنہ پی ایف یوجے ملک گیر
احتجاج کرے گی، کسی نوٹس کے بغیر اے آر وائی نیوز کا لائنس معطل کرکے اپنا ہی مذاق بنایا گیا ہے۔

- Advertisement -
مزید پڑھیں : پیمرا نے اے آر وائی نیوز کا لائسنس معطل کردیا

واضح رہے کہ پاکستان الیکٹرانک میڈیا ریگولیٹری اتھارٹی (پیمرا) نے رات 9 بجے کی ہیڈ لائنز میں پاکستان تحریک انصاف (پی ٹی آئی) کے سربراہ عمران خان کا بیان نشر کرنے پر اے آر وائی نیوز کا لائسنس معطل کردیا ہے۔

پیمرا نے پھرتیاں دکھاتے ہوئے اِدھر حکم جاری کیا اور اُدھر اے آر وائی نیوز کی نشریات کو معطل کردیا جبکہ پیمرا کی جانب سے عمران خان کا بیان اور تقریر نشر نہ کرنے کا حکم نامہ ساڑھے8بجے جاری کیا گیا تھا۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں