واشنگٹن : امریکی صدر ڈونلڈ ٹرمپ کاکہناہےکہ میں نےکہا تھا کہ نیٹواتحادہ ناکارہ تھا،تاہم اب یہ ناکارہ نہیں ہے۔
تفصیلات کےمطابق وائٹ ہاؤس میں نیٹو کے سیکرٹری جنرل جینز اسٹوٹینبرگ سےملاقات میں امریکی صدر نے کہا کہ دہشت گردی کے خطرات نےاس اتحاد کی اہمیت کو کم کر دیا تھا۔
امریکی صدر ڈونلڈ ٹرمپ کا کہنا تھا ’میں نے کہا تھا کہ یہ ناکارہ تھا،تاہم اب یہ ناکارہ نہیں ہے۔‘
نیٹو کےسیکرٹری جنرل جینزاسٹوٹینبرگ کےساتھ مشترکہ نیوز کانفرنس میں امریکہ صدر نے کہا کہ ہمارے درمیان کافی تعمیری گفتگو ہوئی ہےکہ کس طرح نیٹو دہشت گردی کےخاتمےکےلیےمزید اقدامات کرسکتا ہے۔
امریکی صدرکا کہنا تھامیں نے ان سے شکایت کی ہے کہ طویل عرصہ قبل انہوں نے ایک تبدیلی لائی تھی اب انہیں شدت پسندی کے خلاف لڑنا ہوگا۔
میونخ سکیورٹی کانفرس
یاد رہےکہ امریکی نائب صدر مائیک پینس نےمیونخ میں ہونے والی سکیورٹی کانفرنس سے خطاب میں کہا تھا کہ امریکہ کا نیٹو کےساتھ تعاون اٹل رہے گا تاہم دیگر رکن ملک مشترکہ دفاع کا پورا خرچ برداشت نہیں کر رہے۔
واضح رہےکہ صدر ٹرمپ نےصدارت کا عہدہ سنبھالنے سے قبل کہاتھاکہ امریکہ نیٹو میں شامل اتحادی ملکوں کا دفاع کرنے کا وعدہ نہیں نبھائے گا کیوں کہ وہ زیادہ مالی تعاون نہیں کر رہے۔
