صدرمملکت آصف علی زرداری نے پی او ایف واہ کا دورہ کیا، صدر کی آمد پر چیئرمین پی او ایف واہ لیفٹیننٹ جنرل سید طاہر حمید شاہ نے استقبال کیا۔
اے آر وائی نیوز کے مطابق صدر کی پی ایف آمد پر وفاقی وزیر دفاعی پیداوار محمد رضا حیات ہراج اور سیکریٹری وزارت دفاعی پیداوار بھی موجود تھے، چیئرمین پی او ایف نے صدر مملکت آصف علی زرداری کو مختلف پیداواری یونٹس سے متعلق بریفنگ دی۔
بریفنگ میں صدر کو بتایا گیا کہ پی او ایف واہ ملک کی دفاعی ضروریات کو پورا کرنے میں کلیدی کردار ادا کررہا ہے، پاکستان کے دفاع کو مضبوط بنانا اولین ترجیح ہے۔
صدر مملکت آصف علی زردری نے پی او ایف فیکٹریز کے عملے کی فنی مہارت، عزم اور پیشہ ورانہ صلاحیتوں کو سراہا۔
پی او ایف کی فنی صلاحیتوں اور دفاعی پیداوار میں ادارے کی کوششوں کو اجاگر کیاگیا، آصف علی زرداری نے فیکٹریز کے مختلف پیداواری یونٹس کا دورہ کیا۔
صدر نے ملکی دفاع کو مضبوط بنانے میں پی او ایف کے مؤثر کردار کی تعریف کی، صدر مملکت نے قومی دفاعی صلاحیتوں کو مزید مستحکم کرنے کی ضرورت پر زور دیا۔
