انقرہ : ترکیہ کے صدارتی انتخاب کے دوسرے اور آخری مرحلے میں صدر رجب طیب اردوان نے فتح حاصل کرلی، کمال قلیچ دار دوسرے نمبر پر رہے۔
تفصیلات کے مطابق رجب طیب اردوان ترکیہ کے صدارتی الیکشن جیتنے کے بعد اگلے 5 سال کیلئے دوبارہ صدر منتخب ہوگئے۔
ترک سرکاری میڈیا کی رپورٹ کے مطابق رجب طیب اردوان نے 52.24فیصد ووٹ حاصل کیے جبکہ ان کے مدمقابل کمال قلیچدار47.79فیصد ووٹ کے ساتھ دوسرے نمبر پر رہے۔
Kısıklı’dayız. 🇹🇷 https://t.co/KQSKDAroPD
— Recep Tayyip Erdoğan (@RTErdogan) May 28, 2023
فتح کا اعلان سنتے ہی رجب طیب اردوان کے حامی خوشی کا اظہار کرتے ہوئے سڑکوں پر نکل آئے ، اس کے علاوہ ہنگری، قطر اور لیبیا کی حکومتوں کی جانب رجب طیب اردوان کو مبارکباد کے پیغامات کا سلسلہ جاری ہے۔
ترکیہ میں صدارتی انتخابات کے حتمی مرحلے میں پولنگ کا سلسلہ مقامی وقت کے مطابق صبح 8 بجے سے 5 بجے تک جاری رہا۔
Emine Erdoğan Kimliksiz Oy Kullandı https://t.co/GCW8NDemLh
— Halk TV (@halktvcomtr) May 28, 2023
رجب طیب اردوان کے اقتدار کی پہلی دہائی مضبوط اقتصادی ترقی اور مغربی طاقتوں کے ساتھ گرم جوش تعلقات کی وجہ سے ممتاز حیثیت رکھتی ہے جس نے ان کی عالمی حیثیت اور ملک کے اندر حمایت میں اضافہ کیا۔
