اسلام آباد : وفاقی وزیر اطلاعات عطا تارڑ نے کہا ہے کہ بھارتی حکام کی پریس بریفنگ میں آواز ان کا ساتھ نہیں دے رہی تھی، وہ بولنے کے قابل نہیں تھے۔
اسلام آباد میں پریس کانفرنس کرتے ہوئے عطا تارڑ نے کہا کہ بھارتی سیکریٹری خارجہ، ملٹری ترجمان کے ہمراہ بولنے کے قابل نہیں تھے۔
انہوں نے کہا کہ ہماری جانب سے سیز فائر کی خلاف ورزی کرنے کا سوال ہی پیدا نہیں ہوتا۔
پاکستان کے اندر جشن کا ماحول ہے، پاکستان نے جس طرح بھارت کو منہ توڑ جواب دیا اس پر عوام خوشیاں منارہے ہیں۔
وفاقی وزیراطلاعات نے کہا کہ پاکستان کے جواب کے بعد بھارتی میڈیا کو بھی سانپ سونگھ گیا ہے، بھارت کا مسئلہ یہ ہے کہ وہ ہمیشہ من گھڑت اور بےبنیاد الزامات عائد کرتا ہے۔
پاک بھارت کشیدگی سے متعلق تمام خبریں
بھارتی جارحیت کیخلاف جوابی کارروائی میں پاکستان کو شاندار کامیابی نصیب ہوئی، بھارت کو مؤثر جواب کے بعد پاکستان کو مزید عزت ملی ہے، بھارت کے الزامات میں کوئی صداقت نہیں۔
