19.8 C
Ashburn
بدھ, مئی 29, 2024
اشتہار

خضدار دھماکے میں پریس کلب کے صدر شہید

اشتہار

حیرت انگیز

خضدار : چمروک ایریا میں دھماکے کے نتیجے میں خضدار پریس کلب کے صدر مولانا محمد صدیق مینگل شہید ہوگئے۔

تفصیلات کے مطابق بلوچستان کے ضلع خضدار میں چمروک ایریا میں دھماکا ہوا ، جس میں خضدارپریس کلب کے صدر مولانا محمد صدیق مینگل شہید ہوگئے۔

دھماکے کی اطلاع ملتے ہی پولیس اور ریسکیو ٹیمیں جائے وقوعہ پر پہنچ گئی اور علاقے کو گھیرے میں لیکر امدادی کارروائیاں شروع کردیں۔

- Advertisement -

پولیس نے بتایا کہ دھماکے میں خضدار پریس کلب کے صدر کی گاڑی کو نشانہ بنایا گیا ، دھماکے میں9 افراد بھی زخمی ہوئے ، جنہیں اسپتال منتقل کردیا گیا ہے۔

جے یو آئی ف کے ترجمان مولانا عبدالغفورحیدری نے خضداردھماکےمیں مولاناصدیق مینگل کی شہادت پراظہار افسوس کرتے ہوئے کہا کہ بلوچستان میں منصوبے کے تحت حالات کوخراب کیا جارہا ہے ، مولانا صدیق مینگل بے ضرر انسان تھے نہ کسی کےساتھ دشمنی تھی۔

،مولانا عبدالغفورحیدری کا کہنا تھا کہ مولانا صدیق مینگل کی شہادت کا سن کر دل رنجیدہ ہے ، ہم اپنے سچے اور نظریاتی ورکر سے محروم ہوگئے ہیں، صوبائی حکومت کی کارکردگی کی قلعی کھل گئی ہے ، مطالبہ ہے کہ مجرموں کو گرفتار کرکے کیفر کردار تک پہنچایا جائے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں