اسلام آباد: فرٹیلائزر کمپنیوں کی جانب سے پرائس فکسنگ کا انکشاف ہوا ہے، کمپیٹیشن کمیشن آف پاکستان (سی سی پی) نے 6 فرٹیلائزر کمپنیوں کو شوکاز نوٹس جاری کر دیے۔
سی سی پی نے فرٹیلائزر مینوفیکچررز آف پاکستان ایڈوائزری کونسل کو بھی نوٹس جاری کر دیا ہے، ایف ایم پی اے سی اور 6 بڑی یوریا کمپنیوں کو پرائس فکسنگ پر نوٹس دیا گیا ہے۔
سی سی پی کے مطابق ایف ایم پی اے سی اور 6 کمپنیوں نے نومبر 2021 میں اشتہار دیا تھا، جس میں 50 کلو یوریا بیگ کی قیمت 1768 روپے مقرر کرنے کی تشہیر کی گئی تھی، یہ اخباری اشتہار اس انکوائری کی بنیاد بنا ہے۔
- Advertisement -
سی سی پی کے مطابق یہ اشتہار کمپیٹیشن ایکٹ کے سیکشن 4 کی خلاف ورزی ہے، گٹھ جوڑ پر مبنی ایسی پرائس فکسنگ ممنوع ہے، مذکورہ یوریا کمپنیوں کے درمیان قیمتوں میں ہم آہنگی بھی نوٹ کی گئی ہے۔
