کراچی : شہر قائد میں مرغی کے گوشت کی قیمت 200 روپے کمی کے بعد ساڑھے 400 روپے پر آگئی۔
تفصیلات کے مطابق کراچی میں مرغی کے گوشت کی آسمان سے باتیں کرتی قیمتوں کی اے آر وائی پر خبر نشر ہونے کے بعد سندھ حکومت کی جانب سے شہریوں کو ریلیف فراہم کرنے کیلئے بنائی جانیوالی پانچ رکنی کمیٹی کا مرغی فروشوں کیخلاف ایکشن رنگ لانے لگا۔
شہر میں مرغی کے گوشت کی قیمتوں میں اب کمی آنا شروع ہوگئی ، ساڑھے 800 روپے فی کلو فروخت ہونے والا مرغی کو گوشت دو سو روپے کمی کے بعد ساڑھے چھ سو روپے پر پہنچ گیا۔
یاد رہے کراچی میں عیدالاضحی کے تہوار کے بعد مختلف علاقوں میں مرغی کا گوشت 700 سے 800 روپے فی کلو تک میں فروخت ہورہا تھا۔
اکثر دکاندار گوشت مہنگا ہونے کا ملبہ پولٹری فارمرز پر گراتے رہے، ان کا کہنا تھا کہ مرغی پولٹری فارم سے ہی مہنگی آرہی ہے جبکہ فارمرز فیڈ مہنگی ہونے کا کہہ کر مرغی کا ریٹ بڑھاتے ہیں۔
