اسلام آباد: اقتصادی رابطہ کمیٹی نے ریمڈیسیور انجیکشن کی قیمت برقرار رکھنے کا فیصلہ کیا ہے۔
تفصیلات کے مطابق وزیر خزانہ اسحاق ڈار کی زیر صدارت اقتصادی رابطہ کمیٹی کا اجلاس آج پیر کو منعقد ہوا، جس میں مختلف ادویات کی قیمتوں میں اضافے کی سمری پر غور مؤخر کیا گیا۔
ای سی سی نے ریمڈیسیور انجیکشن کا ریٹ برقرار رکھنے کا فیصلہ کیا۔
اجلاس کے اعلامیے کے مطابق اسلام آباد سمیت کراچی اور لاہور کے ایئر پورٹس کو آؤٹ سورس کیے جانے کی سمری بھی مؤخر کر دی گئی ہے۔
اجلاس میں ریکوڈک میں بلوچستان کے شیئرز کے لیے 65 ارب روپے کی منظوری دی گئی۔
