اسلام آباد : چینی کی قیمت 150 روپے فی کلو سے تجاوز کرگئی، ذرائع نے بتایا ہے کہ پاکستان میں تمام چینی بینکوں کے پاس گروی پڑی ہوئی ہے۔
تفصیلات کے مطابق چینی کی قیمتیں کئی شہروں میں ڈیڑھ سو روپے سے اوپر پہنچ گئیں، حکومت نے مارچ میں ڈھائی لاکھ ٹن چینی برآمد کرنے کی اجازت بھی دی۔
ذرائع کا کہنا ہے کہ پاکستان میں چینی کا اسٹاک جنوری 2024 تک کا موجود ہے لیکن پاکستان میں تمام چینی بینکوں کے پاس گروی پڑی ہوئی ہے۔
ذرائع نے کہا کہ شرح سود بڑھنے کے بعد بینکوں نے شوگر ملز کیلئے بھی شرح سود پچیس سے اٹھائیس فیصدکر دیا، شوگرفیکٹریز ایک سو پچیس سے ایک سو تیس روپے میں چینی فراہم کر رہی ہے۔
ذرائع کے مطابق چینی پر حکومت سترہ فیصد سے بڑھا کر پچیس فیصد تک کا سیلز ٹیکس لے رہی ہے۔
رواں سیزن میں گنے کی سپورٹ پرائس تین سو روپے تھی جبکہ آئندہ کرشنگ کیلئے حکومت ساڑھے چارسو سے پانچ سو روپے گنے کی سپورٹ پرائسر رکھنے کا پلان بنا رہی ہے۔
