کراچی : شہر قائد میں چینی کی قیمت میں ایک ہفتے کے دوران 14 روپے فی کلو اضافہ ہوگیا، ہول سیلز نے چینی کی قیمت 150 روپے تک جانے کا خدشہ ظاہر کردیا ہے۔
تفصیلات کے مطابق عید الاضحی کے بعد ہول سیل مارکیٹ میں چینی کی قیمت میں فی کلو میں 14 روپے اضافہ ہوا ، جس کے بعد ہول سیل میں چینی 131اور ریٹیل میں 135روپے فی کلو ہو گئی۔
چینی مافیا اور ذخیرہ اندوزوں نے مارکیٹ میں چینی کی سپلائی کم کر دی، ہول سیل گروسرز ایسوسی ایشن کے صدر عبدالروف کا کہنا ہے کہ حکومت نے ذخیرہ اندوزوں کے خلاف کاروائی نہیں کی تو خدشہ ہے کہ چینی 150 روپے کلو سے بھی تجاوز کر جائے گی۔
- Advertisement -
ہول سیل مارکیٹ میں 50 کلو چینی کا بیگ 200 روپے بڑھ کر 6500 روپے کا ہوگیا ہے ، چینی کی قیمت بڑھنے کے ساتھ افغانستان اور ایران میں چینی کی اسمگلنگ جاری ہے۔
