اسلام آباد : ملکی تاریخ میں پہلی بار چینی کی فی کلو قیمت 150 روپے تک پہنچ گئی حکومت نے چینی مہنگی ہونے کا اعتراف کرلیا۔

تفصیلات کے مطابق چینی کی قیمتوں کے پچھلے سارے ریکارڈ ٹوٹ گئے اور ملکی تاریخ میں پہلی بار چینی کی فی کلو قیمت 150 روپے تک پہنچ گئی۔

حکومت نے چینی کی فی کلو قیمت 150روپے تک پہنچےکا اعتراف کرلیا ہے ، ادارہ شماریات نے بتایا ہے کہ کراچی،اسلام آباد،راولپنڈی میں چینی کی فی کلو قیمت150 روپے ہوگئی ہے۔

لاہور اور خضدارمیں چینی کی فی کلوقیمت 145روپے تک جبکہ کوئٹہ میں چینی کی فی کلو قیمت142 روپے تک پہنچ گئی ہے۔

ادارہ شماریات کے مطابق گوجرانوالہ ، سیالکوٹ ، پشاور،فیصل آباد،ملتان،بنوں میں چینی کی فی کلوقیمت140روپےتک ہے جبکہ حیدر آبادمیں چینی کی فی کلو قیمت 138 روپے تک پہنچ گئی ہے۔

اس کے علاوہ سرگودھا، سکھر، لاڑکانہ اور بہاولپورمیں چینی کی فی کلو قیمت 135 روپے تک ہوگئی ہے۔