اسلام آباد : ملک کے مختلف شہروں میں آٹے کی قیمت ریکارڈ سطح پر پہنچ گئی اور شہری مہنگا آٹا خریدنے پر مجبور ہے۔
تفصیلات کے مطابق ملک کے مختلف شہروں میں آٹے کی قیمت ریکارڈ سطح پر پہنچ گئی ، سندھ کے شہری مہنگا آٹا خریدنے پر مجبور ہوگئے ، کراچی میں 20 کلو آٹا 17 سو روپے تک جا پہنچا۔
پاکستان شماریات بیورو کا کہنا ہے کہ حیدرآباد میں 20 کلو آٹے کے تھیلے کی قیمت 1640 روپے ، سکھرمیں 20 کلو آٹے کا تھیلا 1420 اور لاڑکانہ میں 1360 کا ہے۔
دستاویز میں بتایا گیا ہے کہ بلوچستان کے مختلف شہروں میں بھی آٹے کی قیمتیں بڑھیں، خضدارمیں 20 کلو آٹے کا تھیلا 1580 روپے میں فروخت ہورہا ہے جبکہ کوئٹہ میں 15سو، بنوں میں 20 کلو آٹے کے تھیلے کی قیمت 14 سو تک ہے۔
شماریات بیورو کے مطابق راولپنڈی اوراسلام آباد میں آٹا سستا نہ ہوسکا، قیمت 15سو سے کم نہ ہوسکی، اسلام آباد میں 20 کلو آٹے کے تھیلے کی قیمت1566 روپے اور راولپنڈی میں 1533 روپے تک ہے۔
دستاویز میں کہا گیا کہ پنجاب کے دیگرشہروں میں آٹے کی قیمت میں استحکام رہا، گوجرانوالہ میں 20 کلو آٹے کے تھیلے کی قیمت980 روپے ، لاہور، فیصل آباد، سیالکوٹ ، سرگودھا ، ملتان،بہاولپور میں قیمت 980 روپے تک ہے۔
