سڈنی کے چرچ میں چاقو کے حملے کا نشانہ بننے والے پادری نے اپنے حملہ آور کے لئے معافی کا اعلان کردیا۔
غیر ملکی خبر رساں رساں ادارے کی رپورٹ کے مطابق حملے سے متاثر ہونے والے سڈنی کے معروف آرتھوڈوکس عیسائی رہنما، پادری مار ماری ایمینوئل نے اپنے حامیوں کو ’مسیح‘ جیسا بننے اور تشدد سے باز رہنے کی ہدایت کی۔
یاد رہے کہ آسٹریلیا کے شہر سڈنی کے چرچ میں چاقو بردار شخص نے پادری پر حملہ کردیا تھا، جس کی ویڈیو بھی منظر عام پر آگئی تھی۔
- Advertisement -
چرچ میں چاقو بردار شخص نے حملہ کرکے پادری سمیت 4 افراد کو زخمی کر دیا تھا۔ حملہ آور نے عبادت کے دوران پادری پر چاقو کے وار کیے جبکہ حملے کے وقت لائیو اسٹریمنگ بھی جاری تھی۔
ویڈیو میں حملہ آور کو پادری پر چاقو سے وار کرتے دیکھا جاسکتا ہے جس کے نتیجے میں پادری زمین پر گر جاتا ہے، اس کے بعد انہیں اسپتال منتقل کر دیا جاتا ہے۔
