The news is by your side.

Advertisement

‘وزیراعظم اور کشمیری عوام کے دل ایک ساتھ دھڑکتے ہیں’

لاہور: وزیراعلیٰ پنجاب عثمان بزدار کا کہنا ہے کہ عمران خان نے جیسے کشمیر کا مقدمہ لڑا وہ ہمیشہ یاد رکھا جائے گا، وزیراعظم اور کشمیری عوام کے دل ایک ساتھ دھڑکتے ہیں۔

تفصیلات کے مطابق وزیراعلیٰ پنجاب نے آزاد کشمیر میں انتخابی مہم میں نازیبا ازبان استعمال کرنے کی مذمت کرتے ہوئے کہا کہ اپوزیشن نے جمہوری اور اخلاقیات روایات کو بالائے طاق رکھ دیا ہے، اپوزیشن عناصر نے ذہنی پسماندگی کا مظاہرہ کیا، ناکام جلسوں کے بعد ٹولہ بوکھلاہٹ کا شکار ہے۔

ان کا کہنا ہے کہ تحریک انصاف آزاد کشمیر کے الیکشن میں بھی کامیابی حاصل کرے گی۔

عثمان بزدار نے کہا اپوزیشن عناصر کے مایوس چہرے ان کی فرسٹریشن ظاہر کررہے ہیں، عمران خان نے جیسے کشمیر کا مقدمہ لڑا ہے وہ ہمیشہ یاد رکھا جائے گا، کشمیری عوام وزیراعظم کے ساتھ ہیں۔

اپنے تازہ بیان میں پنجاب کے وزیراعلیٰ کا مزید کہنا تھا کہ وزیراعظم اور کشمیری عوام کے دل ایک ساتھ دھڑکتے ہیں، کشمیری عوام بلے پر مہر لگا کر عمران خان سے محبت کا اظہار کریں گے، لٹیروں اور چوروں کی سیاست ختم ہوچکی، آزاد کشمیر میں ہار ان کا مقدر ہے، پی ٹی آئی فتح یاب ہوگی۔

Comments

یہ بھی پڑھیں