اسلام آباد: وزیراعظم عمران خان کا ابوظہبی کے ولی عہد شیخ محمد بن زید سے اہم ٹیلی فونک رابطہ ہوا جس میں مختلف امور پر تبادلۂ خیال کیا گیا۔
اے آر وائی نیوز کی رپورٹ کے مطابق وزیراعظم عمران خان نے آج ہفتے کے روز متحدہ عرب امارات کے کراؤن پرنس شیخ محمدبن زید سے ٹیلی فونک رابطہ کیا۔
ٹیلی فونک رابطے میں دونوں رہنماؤں نے دو طرفہ تعلقات اور باہمی دلچسپی کے امور پر تبادلۂ خیال کیا جبکہ پاک متحدہ عرب امارات تعلقات مزید مستحکم کرنے کے عزم کا اعادہ کیا۔
ٹیلی فونک گفتگو میں کرونا کے بعد پیش آنے والی صورتحال سمیت علاقائی اور عالمی امورپر بھی تفصیلی گفتگو کی گئی۔دونوں رہنماؤں نے کثیر الجہتی شعبوں میں تعاون بڑھانے پر اتفاق بھی کیا۔
واضح رہے کہ شیخ محمدبن زیدابوظبی کے ولی عہد اور متحدہ عرب امارات کی مسلح افواج کےڈپٹی سپریم کمانڈر ہیں۔
واضح رہے کہ رواں سال کے آغاز پر ابوظبی کے ولی عہد شیخ محمد بن زید النہیان نے وزیراعظم عمران خان سے ملاقات میں پاکستان کو 200 ملین ڈالرز کی امداد دینے کا اعلان کیا تھا۔
مشیر خزانہ عبدالحفیظ شیخ نے سماجی رابطے کی ویب سائٹ ٹویٹر پر اپنے پیغام میں کہا ہے کہ ابوظبی کے ولی عہد نے 200 ملین ڈالرز کی سپورٹ کا اعلان کیا ہے، ہم اس تعاون پر اُن کے شکر گزار ہیں۔
H.H. Sheikh Mohamed bin Zayed Al Nahyan, Crown Prince of Abu Dhabi and Deputy Supreme Commander of Armed Forces, discusses in a phone call with H.E Imran Khan, Prime Minister of Pakistan, the general situation, bilateral relations and joint efforts to contain the COVID-19 pic.twitter.com/3xmLnFXVXs
— UAE Embassy PK (@uaeembassyisb) February 6, 2021
مشیر خزانہ عبدالحفیظ شیخ نے کہا کہ 200 ملین ڈالرز چھوٹے کاروبار اور روزگار کے لیے استعمال ہوں گے، مالی تعاون دونوں ممالک میں گہرے تعلقات کا عکاس ہے۔