اسلام آباد: وزیرِ اعظم عمران خان نے سماجی رابطوں کی ویب سائٹ ٹویٹر پر عوام سے ان کے مسائل کے حل کے لیے سٹیزن پورٹل کے استعمال کی اپیل کر دی۔
تفصیلات کے مطابق حکومت کی جانب سے 28 اکتوبر کو قائم کیے گئے ’وزیرِ اعظم شکایات سیل‘ کے استعمال کے لیے وزیرِ اعظم نے ٹویٹر پر عوام سے اپیل کی ہے۔
[bs-quote quote=”میں چاہتا ہوں کہ عوام یہ پورٹل استعمال کریں تا کہ ہماری حکومت مزید بہتر انداز میں عوام کی خدمت کا فریضہ سر انجام دے سکے۔” style=”style-7″ align=”left” color=”#dd3333″ author_name=”وزیرِ اعظم پاکستان”][/bs-quote]
وزیرِ اعظم نے سٹیزن پورٹل کے لیے بنائی گئی ایپ کا لنک ٹویٹر پر شیئر کر دیا، انھوں نے کہا کہ عوام شکایت کے فوری ازالے کے لیے سٹیزن پورٹل استعمال کریں۔
انھوں نے لنک شیئر کرتے ہوئے لکھا ’میں چاہتا ہوں کہ عوام یہ پورٹل استعمال کریں تا کہ ہماری حکومت مزید بہتر انداز میں عوام کی خدمت کا فریضہ سر انجام دے سکے۔‘
قبل ازیں ایک اور ٹویٹ میں وزیرِ اعظم عمران خان نے لکھا کہ گزشتہ 47 دنوں میں ایک لاکھ 72 ہزار شکایات موصول ہوئی ہیں، جن میں سے 59 ہزار شکایات کا ازالہ کیا جا چکا ہے۔
میں چاہتا ہوں کہ عوام یہ پورٹل استعمال کریں تاکہ ہماری حکومت مزید بہتر انداز میں عوام کی خدمت کا فریضہ سرانجام دے سکے۔ ڈاؤن لوڈ کرنے کیلئے مندرجہ ذیل لنک استعمال کریں:
https://t.co/YutDRlJDl8 https://t.co/5zwDjukivG https://t.co/1UB2lXQxjD— Imran Khan (@ImranKhanPTI) December 16, 2018
وزیرِ اعظم عمران خان کا کہنا تھا کہ 29 ہزار لوگوں نے فیڈ بیک دیا ہے جن میں سے 57 فی صد افراد مطمئن ہیں، شکایات کے حل کے لیے کام کیا جا رہا ہے، عوام زیادہ سے زیادہ ایپ کا استعمال کریں تا کہ مسائل فوری حل ہوں۔
یہ بھی پڑھیں: سٹیزن پورٹل، حکومت کو 1 لاکھ سے زائد شکایات موصول، 16 ہزار کا ازالہ کردیا گیا
واضح ہے کہ 22 نومبر کو وزیرِ اعظم کے معاونِ خصوصی افتخار درّانی نے کہا تھا کہ 24 دنوں میں ایپ کے ذریعے ایک لاکھ 10 ہزار سے زائد عوامی شکایات موصول ہوئیں جن میں سے 84 ہزار سے زائد درخواستوں پر کام جاری ہے جب کہ 16 ہزار سے زائد کو حل کر دیا گیا ہے۔
اُن کا کہنا تھا کہ عوام نے چوبیس دنوں کے دوران وزیرِ اعظم آفس ایپ کو 4 لاکھ 54 ہزار بار ڈاؤن لوڈ کیا جس کے ذریعے وہ مسلسل اپنی شکایات درج کروا رہے ہیں، اب تک 54 فی صد مردوں جب کہ 6 فی صد خواتین نے ایپ ڈاؤن لوڈ کی۔
