وزیراعظم کے معاون خصوصی ڈاکٹرشہبازگل نے کہا ہے کہ وزیراعظم عمران خان اپنے گھر میں رہتے ہیں اور بجلی، گیس اور کچن کاخرچہ خود اٹھاتے ہیں۔
لاہور میں میڈیا سے گفتگو کرتے ہوئے شہبازگل نے کہا کہ وزیراعظم کاایک بھی کیمپ آفس نہیں خرچہ بھی زیرو ہے آپ اپناجیب خرچ آدھاکریں تولگ پتاجاتاہے ہمارامذاق اڑایاگیاکہ گاڑیاں بیچ دیں اس سےفرق پڑتاہےکہ 108 کروڑ 3 سالوں میں بچےگا۔
شہبازگل نے کہا کہ شہبازشریف نے2 کیمپ آفسز رکھے جن کاخرچہ 572 ملین تھا نوازشریف ، شہبازشریف کے کیمپ آفسزپر2717ملین کاخرچہ تھا جب کہ وزیراعظم آفس کے خرچے میں 57کروڑ بچائے گئے جب زرداری تھا تو خرچہ2.6ارب روپےتھا زرداری صاحب کی سیکیورٹی پر 656 سیکیورٹی گارڈ تھے، یوسف گیلانی جب آئے تو انہوں نے 5کیمپ آفسزرکھے۔
انہوں نے کہا کہ وزیراعظم عمران خان اپنے گھر میں رہتے ہیں اور بجلی، گیس اور کچن کاخرچہ خود اٹھاتے ہیں اب عمران خان حکومت میں آچکااب پاکستان بدل کررہےگا جب آپ حکومت میں تھےکس طرح الیکشن جیتتےتھےسب کومعلوم ہے۔
معاون خصوصی نے مزید کہا کہ احسن اقبال کچھ حیاکوہاتھ ڈالیں احسن اقبال اوورسیزپاکستانیوں سےاتنی نفرت نہ کریں ہمیں پتاہےکہ اوورسیزپاکستانیوں میں95فیصدووٹ عمران خان کاہے، باہرکےممالک میں پٹواری سسٹم نہیں ہے وہاں کے لوگ بریانی اورقیمےوالےنان کی شوقین نہیں ہیں۔
