وزیراعظم شہباز شریف 2 روزہ سرکاری دورے پر قطر پہنچ گئے ہیں وہ اقوام متحدہ کی کانفرنس میں شرکت کریں گے۔
اے آر وائی نیوز کے مطابق وزیراعظم شہباز شریف دو روزہ سرکاری دورے پر قطر پہنچ گئے ہیں۔ وہ یہاں ہونے والی اقوام متحدہ کی کم ترقی یافتہ ممالک کانفرنس میں شرکت کریں گے۔ کانفرنس میں کم ترقی یافتہ ممالک میں پائیدار ترقی تیز کرنے کے اقدامات پر غور کیا جائے گا۔
کانفرنس آج دوحہ میں شروع ہو رہی ہے۔ ترقی کرتے ممالک کی کانفرنس کا یہ پانچواں اجلاس ہے۔ شہباز شریف کل کانفرنس سے خطاب کریں گے۔
امیر قطر کانفرنس میں شریک سربراہان مملکت اور وزرائے اعظم کے اعزاز میں استقبالیہ دیں گے۔ وزیراعظم شہباز شریف امیر قطر کے اس استقبالیے میں شرکت کریں گے۔
وزیر اعظم شہباز شریف آج دو روزہ دورے کے لئے قطر پہنچ گئے وزیراعظم دوہا میں اقوام متحدہ کی ترقی کرتے ممالک کی کانفرنس کے پانچوے اجلاس میں آج شرکت کریں گے وزیراعظم شہباز شریف امیر قطر کے استقبالیہ میں شرکت کریں گے اور 6 مارچ کو اجلاس سے خطاب کریں گے pic.twitter.com/da19MgKcqR
— Marriyum Aurangzeb (@Marriyum_A) March 5, 2023
وزیراعظم کانفرنس میں شریک رہنماؤں اور وفود کے سربراہان سے ملاقاتیں بھی کریں گے۔
