وزیراعظم شہباز شریف کل کراچی کا ایک روزہ دورہ کریں گے۔
تفصیلات کے مطابق وزیراعظم شہبازشریف بدھ کو ایک روزہ دورے پر کراچی پہنچ رہے ہیں جہاں وہ گورنر، وزیراعلیٰ اور بزنس کمیونٹی سے ملاقاتیں کریں گے۔
اپنے مصروف دورے کے آغاز میں وزیراعظم سب سے پہلے مزار قائد پر حاضری دیں گے اور فاتحہ پڑھیں گے جس کے بعد وزیراعظم کی گورنر سندھ اور وزیراعلیٰ سے الگ الگ ملاقات ہو گی جس میں اہم امور پر تبادلہ خیال کیا جائے گا۔
وزیراعظم کے دورے کا اہم حصہ بزنس کمیونٹی سے ملاقات ہے جس میں شہبازشریف تاجروں، صنعت کاروں اور کاروباری شخصیات کو حکومت کی معیشت میں بہتری کے حوالے سے کی جانے والی کوششوں سے آگاہ کریں گے اور معاشی استحکام کے حوالے سے حکومتی پالیسیوں اور فیصلوں پر بزنس کمیونٹی کو اعتماد میں لیں گے۔
وزیراعظم کے دورہ کراچی کے باعث وفاقی کابینہ کا کل ہونے والا اجلاس موخر کر دیا گیا ہے۔
