وزیراعظم شہبازشریف نے ملکی صورتحال پر قوم سےخطاب کا فیصلہ کیا ہے۔
ذرائع کے مطابق چیئرمین تحریک انصاف عمران خان کی گرفتاری کے خلاف دو روز سے جاری پرتشدد احتجاج اور موجودہ امن و امان کی صورتحال پر قوم سے خطاب کا فیصلہ کیا ہے۔
وزیراعظم شہبازشریف قوم سےخطاب آج رات یا کل کریں گے۔
ذرائع کا کہنا ہے کہ وفاقی کابینہ نے امن وامان برقرار رکھنے کیلئے فوج تعینات کرنےکی منظوری دے دی ہے۔ کابینہ نے اسلام آباد، پنجاب، خیبرپختونخوا میں فوج تعیناتی کرنے کی منظوری دی۔
وفاقی کابینہ نے ریاستی اداروں پر حملوں کی شدید مذمت کرتے ہوئے پرتشدد احتجاج کرنےوالوں کےخلاف سختی سے نمٹنے کی ہدایت کی ہے۔
وزیراعظم کا کہنا ہے کہ سرکاری املاک اور دفاعی اداروں پر حملہ کرنے والوں کو گرفت میں لایاجائے گا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں