وزیراعظم عمران خان آج ہری پور کے عوام کے لیے پاکستان ڈیجیٹل سٹی اسپیشل ٹیکنالوجی زون کا افتتاح کریں گے۔
صوبائی وزیر عاطف خان کا کہنا ہے کہ وزیراعظم آج پاکستان ڈیجیٹل سٹی اسپیشل ٹیکنالوجی زون کاافتتاح کریں گے، ہری پور میں پاکستان ڈیجیٹل سٹی پر1ارب31کروڑ لاگت آئے گی۔
انہوں نے کہا کہ پاکستان ڈیجیٹل سٹی86کنال اراضی پر تعمیر کیا جائے گا، یہ خیبرپختونخوا حکومت کا آئی ٹی کے شعبے میں فلیگ شپ منصوبہ ہے۔
عاطف خان کا کہنا تھا کہ ڈیجیٹل سٹی میں آئی ٹی انڈسٹری کو ایک جگہ تمام سہولت میسر ہوگی، پاکستان ڈیجیٹل سٹی سے الیکٹرانکس انڈسٹری اور سافٹ ویئر ہاؤسز کو فائدہ ہوگا۔
ان کا مزید کہنا تھا کہ کمپیوٹر، موبائل انڈسٹری اور ٹیکنالوجی انکیوبیٹرزو دیگر شعبوں کو فائدہ پہنچے گا۔
