اسلام آباد : وزیرِاعظم آفس کے ٹوئٹر اکاؤنٹ کوآرکائیو کردیا گیا جبکہ عمران خان نے اپنے ٹوئٹر اکاؤنٹ پر اپنی بائیو بھی تبدیل کرلی۔

تفصیلات کے مطابق وزیرِاعظم آفس کے ٹوئٹر اکاؤنٹ کوآرکائیو کردیا گیا، عمران خان کے وزیرِاعظم بننے کے بعد ستمبر 2018 میں اکاؤنٹ بنایا گیا تھا، اکاؤنٹ کے چونتیس لاکھ فالوورز تھے۔

دوسری جانب عمران خان نے اپنے ٹوئٹر اکاؤنٹ پر اپنی بائیو بھی تبدیل کرلی، چئیرمین تحریکِ انصاف اور سابق وزیرِاعظم اسلامی جمہوریہ پاکستان لکھ دیا ہے۔

خیال رہے اقتدار سے رخصتی کے بعد عمران خان کی مقبولیت میں مزید اضافہ ہوگیااور سوشل میڈیا پر عمران خان ، امپورٹڈ حکومت نامنظور ، ووٹ آف نو کانفیڈنس ، واٹ اے مین کے ہیش ٹیگ ٹاپ ٹرینڈز کر رہے ہیں۔

دو روز قبل چند گھںٹوں میں ناقابلِ یقین تیس لاکھ سے زائد پاکستانی ٹوئٹر پر احتجاج ریکارڈ کراوچکے ہیں جبکہ شوبز اداکاروں نے بھی عمران خان سے یکہجتی کا اظہار کیا۔