وزیراعظم شہباز شریف نے کشمیری رہنما سید علی گیلانی مرحوم کے داماد الطاف احمد شاہ کی بھارتی قید میں شہادت پر مودی سرکار کی مذمت کی ہے۔
وزیراعظم شہباز شریف نے اس حوالے سے سماجی رابطوں کی ویب سائٹ ٹوئٹر پر اپنے ٹوئٹ میں کہا ہے کہ کشمیری رہنما سید علی گیلانی کے داماد الطاف احمد شاہ کے بھارتی قید میں انتقال پر افسوس ہوا، سوگوار خاندان سے تعزیت کرتا ہوں۔
شہباز شریف نے بھارتی حکومت کی مذمت کرتے ہوئے کہا ہے کہ مودی سرکار نے کینسر کا مریض ہونے کے باوجود الطاف احمد شاہ کے علاج سے انکار کر دیا۔
انہوں نے مزید کہا کہ مودی کے بھارت میں زیر حراست قتل عام ہو رہا ہے۔
Deeply grieved at passing of prominent Kashmiri leader Altaf Shah, son-in-law of Syed Ali Geelani, while in Indian captivity. Modi regime denied him treatment despite knowing he was cancer patient. Custodial killings are norm in Modi's India. My condolences to the bereaved family
— Shehbaz Sharif (@CMShehbaz) October 11, 2022
واضح رہے کہ تہاڑ جیل میں قید کشمیری حریت رہنما الطاف شاہ آج صبح انتقال کرگئے، وہ کینسر کے مریض تھے، ان کی صاحبزادی نے انتقال کی تصدیق کردی ہے۔
یہ بھی پڑھیں: قابض بھارتی فوج کے مظالم کی انتہا، کشمیری حریت رہنما الطاف شاہ تہاڑ جیل میں شہید
وہ بھارت کی بدنام زمانہ تہاڑ جیل میں 5 سال سے قید تھے اور ان کی ناساز طبیعت پر پاکستان نے بھارتی ناظم الامور کو دفترِ خارجہ طلب بھی کیا تھا۔
