وزیر اعظم شہبازشریف نے ایلیٹ پینل سے دستبردار ہونے والے علیم ڈار کو شاندار خدمات پر خراج تحسین پیش کیا ہے۔
پاکستانی امپائر علیم ڈارانٹرنیشنل کرکٹ کونسل (آئی سی سی) کے ایلیٹ پینل سے دستبردار ہوگئے ان کی جگہ پاکستان امپائر احسن رضا کو پینل میں شامل کیا گیا ہے۔
علیم ڈار نے 435 انٹرنیشنل میچز میں امپائرنگ کے فرائض انجام دیے جو کہ ورلڈ ریکارڈ ہے۔ انہوں نے ریکارڈ 144 ٹیسٹ اور 222 ون ڈے جبکہ 69 ٹی ٹوئنٹی انٹرنیشنل میچز سپروائز کیے ہیں۔
Pakistan 🇵🇰 thanks umpire Aleem Dar for his meritorious services to international cricket, as he steps down from the ICC Elite Panel of Umpires. His flawless umpiring across all formats of the game has won praise across the cricketing world. Pakistan is proud of him!
— Shehbaz Sharif (@CMShehbaz) March 18, 2023
علیم ڈار آئی سی سی ایلیٹ پینل میں شامل ہونے والے پہلے پاکستانی امپائر تھے۔ وہ 2004 میں ایلیٹ پینل آف امپائرز میں شامل ہوئے تھے، انہوں نے 2009 سے 2011 تک مسلسل تین بار بہترین امپائر کا ایوارڈ اپنے نام کیا۔
تاہم اب وزیر اعظم شہباز شریف نے علیم ڈار کو شاندار خدمات پر خراج تحسین پیش کرتے ہوئے کہا کہ علیم ڈار نے عالمی کرکٹ کے تمام فارمیٹس میں عمدہ امپائرنگ کی۔
وزیراعظم شہبازشریف کا مزید کہنا تھا کہ پاکستان کو علیم ڈار کی عمدہ کارکردگی پر فخر ہے۔
