برطانوی شہزادہ چارلس موسمیاتی تبدیلی سے متعلق سربراہی کانفرنس میں خطاب کیلئے سیڑھیاں چڑھتے ہوئے لڑکھڑا گئے۔
گلاسگو میں موسمیاتی تبدیلی سے متعلق سربراہی کانفرنس کا آغاز ہو گیا ہے جس میں 120 ممالک کے سربراہان اور نمائندےشریک ہیں جو موسمیاتی تبدیلیوں سے متعلق درپیش چیلنجز اور اس کے تدارک کے حوالے سے اپنے خیالات کا اظہار کریں گے۔
سیکریٹری جنرل اقوام متحدہ گوتریس نے خطاب میں کہا ہم خود اپنی قبریں کھود رہےہیں موسمیاتی تبدیلی کے تناظر میں انسانیت کو بچانےکیلئےکام کرنا چاہیے۔
#BREAKING: Prince Charles opens #COP26 UN Climate Summit: "Time has quite literally run out." pic.twitter.com/y3ceZcAzGk
— Forbes (@Forbes) November 1, 2021
برطانوی شہزادہ چارلس خطاب کے لیے اسٹیج پر چڑھ رہے تھے کہ وہ لڑکھڑا گئے اور گرتے گرتے بچے، سیڑھیوں لڑکھڑانے کے بعد انہوں نے خود کو سنبھالا اور فوراً اپنا توازن درست کیا۔
شہزادہ چارلس کے لڑکھڑانے کی ویڈیو سوشل میڈیا پر وائرل ہو رہی ہے اور اب تک اس مختصر ویڈیو کو ہزاروں لوگ دیکھ چکے ہیں۔