ریاض : سعودی عرب کے ولی عہد شہزادہ محمد بن سلمان کے بیٹے کی تصاویر سوشل میڈیا پر چھا گئیں، شہزادہ سلمان نے الہلال کلب کا دورہ کیا تھا۔
تفصیلات کے مطابق سعودی ولی عہد شہزادہ محمد بن سلمان کے بیٹے شہزادہ سلمان نے گزشتہ روز الہلال کلب کا دورہ کیا تھا، جہاں ان کی خوشگوار موڈ میں لی گئیں تصاویر سوشل میڈیا پر وائرل ہوگئیں۔
ان کی یہ تصاویر الہلال کلب کے چیئرمین فہد بن نافل کے ساتھ ہیں، سعودی ولی عہد کے بیٹے نے اتوار کو الہلال کلب کا دورہ کیا تھا اور وہ نیلے رنگ کی شرٹ پہنے ہوئے تھے۔
الہلال کلب کے ممبران کو جیسے ہی پتہ چلا کہ سعودی ولی عہد کے صاحبزادے نے کلب کا دورہ کیا ہے تو ان میں خوشی کی لہر دور گئی، اور سب نے وہ تصاویر سوشل میڈیا پر اپنے اپنے اکاؤنٹ سے شیئر کیں۔
جس پر لوگوں نے شہزادے سے اپنی محبت اور خوشی کا اظہار کرتے ہوئے اپنے کمنٹ میں ان کیلئے نیک تمنائیں دعائیہ تبصرے کیے۔
