اسلام آباد : صدر آصف علی زرداری آج پرنس کریم آغا خان کے بیٹے پرنس رحیم آغا خان کو نشان پاکستان عطا کریں گے۔
تفصیلات کے مطابق اسماعیلی کمیونٹی کے سربراہ پرنس کریم آغا خان کے بیٹے شہزادہ رحیم آغا خان کو آج نشان پاکستان عطا کیا جائے گا۔
ایوان صدر میں نشان پاکستان کا ایوارڈ دینے کے لیے خصوصی تقریب کا انعقاد ہوگا۔
جس میں صدرآصف زرداری شہزادہ رحیم آغا خان کو نشان پاکستان عطا کریں گے، ان کو عوام کی ترقی وخوشحالی کیلئےنمایاں خدمات پرنشان پاکستان دیا جائے گا۔
یاد رہے 2022 میں پاکستان میں آنے والے سیلاب سے تباہی کے بعد پرنس آغا خان کے صاحبزادے شہزادہ رحیم نے سیلاب زدگان کیلئے 10 ملین ڈالر کی امداد کا اعلان کیا تھا۔
شہزادہ رحیم آغا نے آغا خان ڈویلپمنٹ کے اداروں کو امدادی کاموں میں حصہ لینے کی ہدایت کی تھی۔
وزیراعظم نے سیلاب متاثرین کےلئے امداد کے اعلان پر شکریہ بھی ادا کیا تھا۔
