لندن: برطانوی شہزادہ ولیم نے کرونا وائرس کے پیش نظر ایئرایمبولینس کے لیے شاہی محل کے استعمال کی اجازت دے دی۔
اے آر وائی نیوز کی رپورٹ کے مطابق برطانوی شہزادہ ولیم نے کرونا وائرس کے سبب ایئرایمبولینس کے لیے شاہی محل استعمال کرنے کی اجازت دے دی۔
شہزادہ ولیم کا کہنا ہے کہ ایئرایمبولینس کے ہیلی کاپٹر پیلس میں ری فیولنگ کرسکیں گے، واضح رہے کہ کینزگٹن پیلس کے ہیلی پیڈ شاہی ہیلی کاپٹرز کے لیے مختص تھے۔
رپورٹ کے مطابق شاہی محل کے استعمال کی وجہ سے میڈیکل اسٹاف کا قیمتی وقت بچے گا، شہزادہ ولیم خود بھی ریسکیو ہیلی کاپٹر کے پائلٹ رہ چکے ہیں۔
مزید پڑھیں: برطانیہ میں کرونا مریضوں کی تعداد میں کمی، ایمرجنسی اسپتال بند کرنے کا فیصلہ
یاد رہے کہ برطانیہ میں کرونا مریضوں کی تعداد میں مسلسل کمی کو دیکھتے ہوئے ایمرجنسی اسپتال کو بند کرنے کا فیصلہ کیا گیا ہے تاہم دوسری لہر آنے کی صورت میں اسپتال دوبارہ کھول دیا جائے گا۔
این ایچ ایس کے تازہ اعداد و شمار کے مطابق لندن سے زیادہ مریض شمالی برطانیہ میں ہیں، لندن کے اسپتالوں میں کرونا کے 2023 مریض ہیں۔
حکام کا اندازہ تھا کہ لندن میں ساڑھے سات ہزار آئی سی یو درکار ہوں گے اور اس کے لیے ہزاروں افراد پر مشتمل طبی عملے کی ڈیوٹیاں لگائی گئیں تھیں۔
خیال رہے کہ چند روز قبل برطانوی وزیر اعظم بورس جانسن نے کہا تھا کہ کرونا وبا کا زور ٹوٹ چکا ہے اور مریضوں کی تعداد میں اب کمی آنا شروع ہوگئی ہے۔
