برطانوی شہزادی کیٹ مڈلٹن کے منظر عام سے غائب ہونے اور مدرز ڈے کے موقع پر ان کی جعلی تصویر سامنے آنے کے معاملے پر امریکی اخبار واشنگٹن پوسٹ کی جانب سے شہزادہ ولیم پر ایک طنزیہ کارٹون شائع کیا گیا ہے۔
غیر ملکی ذرائع ابلاغ کے مطابق بدھ کے روز واشنگٹن پوسٹ کی ویب سائٹ پر شائع کیے گئے ادارتی کارٹون میں یہ تاثر دیا گیا کہ کیٹ مڈلٹن کے منظر عام سے غائب ہونے اور مدرز ڈے پر ان کی اے آئی ٹیکنالوجی سے تیار کردہ تصویر سامنے آنے میں شہزادہ ولیم ملوث ہیں۔
واشنگٹن پوسٹ میں شائع کارٹون میں شہزادہ ولیم کو شہزادی کیٹ مڈلٹن کی ایک گتے پر بنی ہوئی تصویر کو پکڑ کر اسے تاروں سے کنٹرول کرتے اور کینسنگٹن پیلس کی کھڑکی سے لہراتے دیکھا جا سکتا ہے۔
واضح رہے کہ برطانوی شہزادی کیٹ مڈلٹن نے گزشتہ ہفتے اپنے آفیشل سوشل میڈیا اکاؤنٹ پر مدرز ڈے کے موقع پر اپنے بچوں کے ہمراہ شیئر کی گئی تصویر میں ترمیم کرنے کا اعتراف کرکے میڈیا اور انٹرنیٹ صارفین کی خصوصی توجہ حاصل کی تھی۔
جوبائیڈن نے پیوٹن کی بدترین توہین کردی ۔۔
واشنگٹن پوسٹ کی جانب سے یہ طنزیہ کارٹون اس لیے شائع کیا گیا ہے کیونکہ شہزادہ ولیم کیٹ مڈلٹن کی سرجری کے بعد سے بالکل خاموشی اختیار کئے ہوئے ہیں۔
