بیلٹ پیپر کی پرنٹنگ اور سائز سے متعلق سوشل میڈیا کی ایک ویڈیو پر الیکشن کمیشن کا رد عمل

اسلام آباد: بیلٹ پیپر کی پرنٹنگ اور سائز سے متعلق سوشل میڈیا کی گردش کرنے والی ایک ویڈیو کو الیکشن کمیشن نے گمراہ کن قرار دے دیا ہے۔

تفصیلات کے مطابق ترجمان الیکشن کمیشن نے کہا ہے کہ سوشل میڈیا پر بیلٹ پیپر کی پرنٹنگ اور سائز سے متعلق ایک ویڈیو گردش کر رہی ہے جو گمراہ کن ہے۔

ترجمان نے کہا بیلٹ پیپر ہمیشہ سے امیدواروں کی تعداد کے لحاظ پرنٹ کیا جاتا ہے، اور سنگل، ڈبل، ٹرپل کالم اور اردو حروف تہجی کی ترتیب میں پرنٹ ہوتا ہے، اس دفعہ بھی اسی ترتیب سے بیلٹ پیپر پرنٹ کیا گیا ہے۔

الیکشن 2024 پاکستان: فارم 45، 46، 47، 48 اور 49 کیا ہیں؟

ترجمان کے مطابق معلوماتی ویڈیوز الیکشن کمیشن کی ویب سائٹ اور یو ٹیوب چینل پر موجود ہیں، ووٹرز کو الیکشن کمیشن کی جاری کردہ آگاہی ویڈیوز سے استفادہ کرنا چاہیے، اور گمراہ کن ویڈیوز سے متاثر نہیں ہونا چاہیے۔

Comments